საიტზე მიმდინარეობს ტექნიკური სამუშაოები

ესტონეთში საქართველოს საგანგებო და სრულუფლებიანი ელჩის არჩილ ყარაულაშვილის გაცნობითი შეხვედრა ესტონეთის გარემოს დაცვის მინისტრთან ერკი სავისაართან

2022 წლის 5 აპრილს, გაიმართა ესტონეთში საქართველოს საგანგებო და სრულუფლებიანი ელჩის არჩილ ყარაულაშვილის გაცნობითი შეხვედრა ესტონეთის გარემოს დაცვის მინისტრთან ერკი სავისაართან. შეხვედრისას, საქართველოს ელჩმა ესტონეთის მხარეს მიაწოდა ინფორმაცია ქართული მხარის ესტონეთთან თანამშრომლობის პრიორიტეტების შესახებ. ელჩმა ყურადღება გაამახვილა საქართველო-ევროკავშირის ასოცირების შესახებ შეთანხმების ფარგლებში, ევროპულ სტანდარტებთან დაახლოების თვალსაზრისით, გარემოს დაცვისა და კლიმატის ცვლილების სფეროში მიმდინარე რეფორმებზე და ამ მხრივ ესტონეთის გამოცდილების გაზიარების მნიშვნელობაზე. შეხვედრის ფარგლებში ასევე დაისახა მომავალი თანამშრომლობის გეგმები დაცულ ტერიტორიებთან და ეროვნულ პარკებთან დაკავშირებით.